Sunday, October 13, 2013

ನೀಲು ಕವಿತೆಗಳು













ಪಿ ಲಂಕೇಶ್

ಚಿತ್ರ : ಡಾ ಜಿ ಕೃಷ್ಣ


1
ಕಾಳಿದಾಸ ಸುಂದರಿಯ ವರ್ಣಿಸುವಾಗ
ತನ್ನ ವರ್ಣನೆಯನ್ನೇ ಹೆಚ್ಚು ಪ್ರೀತಿಸಿದ
ಅನ್ನಿಸುತ್ತೆ, ಕ್ಷಮಿಸಿ.


Photo: ಕಾಳಿದಾಸ ಸುಂದರಿಯ ವರ್ಣಿಸುವಾಗ
ತನ್ನ ವರ್ಣನೆಯನ್ನೇ ಹೆಚ್ಚು ಪ್ರೀತಿಸಿದ 
ಅನ್ನಿಸುತ್ತೆ, ಕ್ಷಮಿಸಿ.

-ನೀಲು



 










2


ಪ್ರಿಯಾ, ನಿನ್ನೆಯ ನಿನ್ನ ತತ್ತ್ವ
ಇಂದಿನ ಪ್ರೇಮ
ಎಲ್ಲದರ ಹುಸಿಯನ್ನರಿಯುವ
ಧೈರ್ಯ ನಿನಗೆ ಬಂದ ದಿನ
ನೀನು ದಿಟದ ಇನಿಯ.






3
ಗಿಡ ಬೆಳೆಸುವ ನಾನು
ಹೂ ಅರಳಿಸಲಾರೆ
ಎನ್ನುವುದು
ನನ್ನ ಅಸಹಾಯಕತೆ.



4

 
ನನ್ನ ಕವನದ ಪಾತ್ರವಗಿದ್ದ
ನನ್ನ ಇನಿಯ
ನನ್ನತ್ತ ನಡೆದುಬರುವುದ
ಕಂಡು
ಬೆಚ್ಚಿಬಿದ್ದು ಅಳತೊಡಗಿದೆ.

 

 

 
5
ನಿಜವಾದ ಕವಿ
ಹೊಂಗೆಯ ಚಿಗುರನ್ನು ಕೂಡ
ಮಾನವ ಕುಲ
ಮೊಟ್ಟಮೊದಲಿಗೆ ಕಂಡಂತೆ
ಕಾಣುವುದು
ಮನುಕುಲಕ್ಕಿರುವ ಭರವಸೆ.
.


 
6 

ಈಗ ತಾನೆ ರೆಕ್ಕೆ ಪಡೆದ ಹಕ್ಕಿಯಂತೆ,
ಈಗ ಅರಳಿದ ಹೂವಿನಂತೆ,
ಈಗ ಬೆಳಗಿದ ಹಗಲಿನಂತೆ
ಎಂದು ನನ್ನ ಪ್ರೇಮದ ಕುರಿತು ವರ್ಣಿಸಲೆತ್ನಿಸಿ
ಹೋಲಿಕೆಗಳ ಬಲೆಗೆ ನಾಚಿ
ನನ್ನವನ ಅಪ್ಪಿಕೊಂಡು ಕಣ್ಣುಮುಚ್ಚುವೆ.





7
 

ಪ್ರಕೃತಿ ನಿಯಮಗಳ ಪ್ರಕಾರವೇ
ಬದುಕುವ ಶಪಥ ಮಾಡಬೇಡ:
ಯಾಕೆಂದರೆ,
ಮನುಷ್ಯ ಪ್ರಕೃತಿಗೆ ಅದು
ಪೂರ್ಣ ಹೊಂದುವುದಿಲ್ಲ.

No comments:

Post a Comment

ನಮ್ಮ ಪ್ರಶಸ್ತಿ ಪುರಸ್ಕೃತರು..

ದಣಿವರಿಯದ ಸಮಾಜಮುಖಿ - ಕೆ. ನೀಲಾ ೧-೮-೬೬ರಂದು ಬೀದರ ಜಿಲ್ಲೆ ಬಸವಕಲ್ಯಾಣದಲ್ಲಿ ಹುಟ್ಟಿದ ಕೆ. ನೀಲಾ ಕರ್ನಾಟಕದ ಜನಪರ ಹೋರಾಟಗಳಲ್ಲಿ, ಮಹಿಳಾ ಹೋರಾಟಗಳಲ್ಲಿ ಮ...