Thursday, October 30, 2014

ಬಂಡವಾಳಶಾಹಿಗಳಿಂದ ಬಂಡಾಯಗಾರರಿಗೆ ಪ್ರಶಸ್ತಿ!




-ಶಶಿಕಾಂತ ಯಡಹಳ್ಳಿ


ಡಿಎಸ್ ಮ್ಯಾಕ್ಸ್ ಎನ್ನುವುದೊಂದು ರಿಯಲ್ ಎಸ್ಟೇಟ್ ಸಂಸ್ಥೆ. ಬಡ ಕೂಲಿಕಾರರ ಬೆವರು ರಕ್ತವನ್ನು ಹೀರಿ ಹಣ ಮಾಡಿ ಬೆಳೆದ ಸಂಸ್ಥೆ. ಬೆಂಗಳೂರಿನ ಭೂಮಿಯನ್ನು ಆಸೆ ಆಮಿಷ ಒಡ್ಡಿಯೋ, ಇಲ್ಲವೇ ಅಕ್ರಮವಾಗಿ ಪಡೆದೋ ಕಾನೂನು ವಿರೋಧವಾಗಿ ಕಟ್ಟಡಗಳನ್ನು ಕಟ್ಟಿ ಮಾರಾಟ ಮಾಡುವ ಸಂಸ್ಥೆ. ಇಂತಹ ಬಂಡವಾಳಶಾಹಿಗಳು ಕೊಡಮಾಡುವ ಪ್ರಶಸ್ತಿಯನ್ನು ಸಂಭ್ರಮದಿಂದ ಸ್ವೀಕರಿಸುವುದು ಅದೆಷ್ಟು ಸರಿ ಎನ್ನುವುದನ್ನು ಬಂಡಾಯ ಸಂಘಟನೆಯ ನೀವುಗಳು ನಿರ್ಧರಿಸಬೇಕೆಂಬುದು ನನ್ನ ಮನವಿ. ಪ್ರಶಸ್ತಿ ಪುರಸ್ಕಾರಗಳು ಜನಸಂಘಟನೆಗಳಿಂದ ಬಂದರೆ ಸ್ವೀಕರಿಸಬಹುದಾಗಿದೆ. ಆದರೆ ಆಳ್ವಾರಂತವರು ಕೊಡಮಾಡುವ ಸನ್ಮಾನಗಳು, ಜನವಿರೋಧಿ ಬಂಡವಾಳಶಾಹಿಗಳು ಕೊಡುವ ಪ್ರಶಸ್ತಿಗಳ ಹಿಂದೆ ಬಲು ದೊಡ್ಡ ಶಡ್ಯಂತ್ರ ಇರುತ್ತದೆ. ಪ್ರತಿಭಟನೆಯ ತೀವ್ರತೆಯನ್ನು ಡೈಲ್ಯೂಟ್ ಮಾಡುವ ಹುನ್ನಾರಗಳಿರುತ್ತವೆ. ಇಂತಹುದಕ್ಕೆ ಬೇರೆಯವರು ಆಕರ್ಷಿತರಾದರೆ ಆಗಲಿ. ಆದರೆ ಪ್ರಗತಿಪರರು, ಬಂಡಾಯ ಬರಹಗಾರರು ಎನ್ನಿಸಿಕೊಂಡವರು ಸಹ ಪ್ರಶಸ್ತಿ ಕೊಡುವವರ ಹಿನ್ನೆಲೆ, ಆಶಯ, ಉದ್ದೇಶಗಳನ್ನರಿಯದೇ ಸ್ವೀಕರಿಸುವುದು ಪ್ರಶ್ನಾರ್ಹವಾಗಿದೆ. ಬಂಡವಾಳಶಾಹಿಗಳ ನಂಬಿಕೆಗೆ ಅರ್ಹರಾಗಿರುವುದಕ್ಕಿಂತ ಜನರ ನಂಬಿಕೆ ಉಳಿಸಿಕೊಳ್ಳುವುದು ಮುಖ್ಯ. ಅಳಿದುಳಿದ ಬದ್ದತೆಯನ್ನು ತೋರುವುದು ಮುಖ್ಯ. ಮುಂದಿನದು ಅವರವರ ರಾಜೀತನಕ್ಕೆ ಬಿಟ್ಟ ವಿಷಯ.

No comments:

Post a Comment

ನಮ್ಮ ಪ್ರಶಸ್ತಿ ಪುರಸ್ಕೃತರು..

ದಣಿವರಿಯದ ಸಮಾಜಮುಖಿ - ಕೆ. ನೀಲಾ ೧-೮-೬೬ರಂದು ಬೀದರ ಜಿಲ್ಲೆ ಬಸವಕಲ್ಯಾಣದಲ್ಲಿ ಹುಟ್ಟಿದ ಕೆ. ನೀಲಾ ಕರ್ನಾಟಕದ ಜನಪರ ಹೋರಾಟಗಳಲ್ಲಿ, ಮಹಿಳಾ ಹೋರಾಟಗಳಲ್ಲಿ ಮ...