Monday, November 30, 2015

ಚರಕ ಸಂಹಿತೆಯ ಪ್ರಕಾರ ಗೋಮಾಂಸ ದಿವ್ಯೌಷಧ : ವಿಜ್ಞಾನಿ ಭಾರ್ಗವ






ಭಾರತದ ಪ್ರಾಚೀನ ಗ್ರಂಥಗಳು ಗೋಮಾಂಸ ಭಕ್ಷಣೆಯ ಮೇಲೆ ಯಾವುದೇ ನಿಷೇಧವನ್ನು ಹೇರಿಲ್ಲ , ಮಾತ್ರವಲ್ಲ ಆಯುರ್ವೇದದ ಆಚಾರ್ಯ ಚರಕ ಅವರು "ಮನುಷ್ಯನ ಕೆಲವೊಂದು ಗಂಭೀರ ವ್ಯಾದಿಗಳ ಚಿಕಿತ್ಸೆಗೆ ಗೋಮಾಂಸವು ದಿವ್ಯೌಷಧವಾಗಿದೆ ಎಂದು ಶಿಫಾರಸು ಕೂಡ ಮಾಡಿದ್ದರು' ಎಂಬುದಾಗಿ ಹಿರಿಯ ವಿಜ್ಞಾನಿ ಪಿ. ಎಂ. ಭಾರ್ಗವ ಅವರು ತಮಗೆ 1986ರಲ್ಲಿ ಸರಕಾರವು ನೀಡಿದ್ದ ಪದ್ಮ ಭೂಷಣ ಪ್ರಶಸ್ತಿಯನ್ನು ಮರಳಿಸುತ್ತಾ ರಾಷ್ಟ್ರಪತಿ ಪ್ರಣವ್‌ ಮುಖರ್ಜಿ ಅವರಿಗೆ ಬರೆದಿರುವ ಪತ್ರದಲ್ಲಿ ಹೇಳಿದ್ದಾರೆ.

ಸೆಲ್ಯುಲರ್‌ ಮತ್ತು ಮೈಕ್ರೋ ಬಯಾಲಜಿ ಕೇಂದ್ರದ ಸ್ಥಾಪಕ ನಿರ್ದೇಶಕರಾಗಿರುವ 87ರ ಹರೆಯದ ಭಾರ್ಗವ ಅವರು ದೇಶದಲ್ಲಿ ಹೆಚ್ಚುತ್ತಿರುವ ಅಸಹಿಷ್ಣುತೆಯನ್ನು ಪ್ರತಿಭಟಿಸಿ ಕಳೆದ 29ರಂದು ತಮ್ಮ ಪದ್ಮಭೂಷಣ ಪ್ರಶಸ್ತಿಯನ್ನು ಸರಕಾರಕ್ಕೆ ಮರಳಿಸಿದ್ದರು. ರಾಷ್ಟ್ರಪತಿ ಪ್ರಣವ್‌ ಮುಖರ್ಜಿ ಅವರಿಗೆ ಭಾರ್ಗವ ಅವರು ತಮ್ಮ ಪ್ರಶಸ್ತಿಯನ್ನು ಮರಳಿಸುತ್ತಾ ಬರೆದಿದ್ದ ಪತ್ರದಲ್ಲಿ ಚರಕ ಸಂಹಿತೆಯನ್ನು ಉಲ್ಲೇಖೀಸಿ ಹೀಗೆ ಬರೆದಿದ್ದರು:

"ಮನುಷ್ಯನಲ್ಲಿ ಅತಿಯಾದ ಪ್ರಮಾಣದಲ್ಲಿ ಮಾಂಸ ಪೇಶಿಗಳು ನಷ್ಟವಾದ ಸಂದರ್ಭದಲ್ಲಿ ಆತನಿಗೆ ಎದುರಾಗುವ ಪೀಡೆಗಳನ್ನು ನಿವಾರಿಸಲು ಗೋಮಾಂಸ ಸೇವನೆಯು ದಿವ್ಯೌಷಧ, ಮಾತ್ರವಲ್ಲ ಆತನಿಗೆ ನಿರಂತರವಾಗಿ ಬಾಧಿಸುವ ಒಣಕೆಮ್ಮು, ಆಗಾಗ ಬರುವ ಜ್ವರ, ಆಯಾಸ, ಮಿತಿ ಮೀರಿದ ಪ್ರಮಾಣದಲ್ಲಿ ಆತನ ದೇಹದಲ್ಲಿ ತುಂಬಿಕೊಳ್ಳುವ ವಾಯು, ರೈನಿಟಿಸ್‌, ಮತ್ತು ಮಿತಿಮೀರಿದ ಹಸಿವು ಮುಂತಾದವುಗಳನ್ನು ನಿವಾರಿಸಲು ಗೋಮಾಂಸ ಸೇವನೆ ರಾಮಬಾಣವಾಗಿ ಕಾರ್ಯನಿರ್ವಹಿಸಬಲ್ಲುದು"
.
ದಾದ್ರಿಯಲ್ಲಿ ಮೊಹಮ್ಮದ್‌ ಇಖ್‌ಲಾಕ್‌ಅವರನ್ನು ಗೋಮಾಂಸ ಭಕ್ಷಣೆ ಮತ್ತು ಶೇಖರಣೆಯ ಆರೋಪದಲ್ಲಿ ಹೊಡೆದು ಚಚ್ಚಿ ಸಾಯಿಸಿರುವ ಕೆಲಸ ಬಿಜೆಪಿಯ ಕ್ಷುದ್ರ ಶಕ್ತಿಗಳಿಂದ ಆಗಿರಬಹುದಾದರೂ ಬಿಜೆಪಿಗೆ ಜನರ ಆಹಾರ, ವಿಹಾರ, ಉಡುಗೆ ತೊಡುಗೆ, ಪ್ರೀತಿ ಪ್ರೇಮ, ಓದುವ ಸಾಹಿತ್ಯ ಮುಂತಾಗಿ ಎಲ್ಲವನ್ನೂ ನಿಯಂತ್ರಿಸುವ ಹೆಬ್ಬಯಕ್ಕೆ ಇರುವಂತೆ ಕಂಡುಬರುತ್ತದೆ. ಅಂತೆಯೇ ಜನಜೀವನದಲ್ಲಿ ಅಸಹಿಷ್ಣುತೆಯ ವಿಷಬೀಜವನ್ನು ಬಿತ್ತಲಾಗುತ್ತಿದೆ' ಎಂದು ಭಾರ್ಗವ ತಮ್ಮ ಪತ್ರದಲ್ಲಿ ಟೀಕಿಸಿದ್ದಾರೆ.

1 comment:

  1. ಆತಂಕಕಾರಿ ವಿಷಯ ಸಂಘಪರಿವಾರದ ಅಸಹನೆಯ ಬಿಡಿ ಬಿಡಿಯಾದ ಹೇಯ ಕೃತ್ಯಗಳಲ್ಲ. ಅವುಗಳ ಹಿಂದಿರುವ ಫ್ಯಾಸಿಸ್ಟ್ ಧೋರಣೆ, ಚರಿತ್ರೆಯನ್ನು ಹಿಂದಕ್ಕೊಯ್ಯಲು ವೃಥಾ ಯತ್ನಿಸುವ ಸಾಂಪ್ರದಾಯಿಕ ಮನಸ್ಥಿತಿ

    ReplyDelete

ಮೇ 6,7 ಧಾರವಾಡ : 4ನೇ ಮೇ ಸಾಹಿತ್ಯ ಮೇಳ

ಇದು 2017 ರ ಮೇ ಸಾಹಿತ್ಯ ಮೇಳ.. ಎಲ್ಲ ಕಾಲದಲ್ಲೂ ವಿರೋಧ ಪಕ್ಷವಾಗಿಯೇ ಕಾಣುವ ಸಾಹಿತಿಗಳು ಕಲಾವಿದರು ಈ ಕಾಲದಲ್ಲಿ ಫ್ಯಾಸಿಸಂ ವಿರುದ್ಧ ಜನಪರ ಸಂಘಟನೆಗಳ ಜೊತೆ ಸೇರಿ ನ...