Saturday, March 26, 2016

ಯುದ್ಧ ಮುಗಿದ ಊರಿನ ಚಿತ್ರಗಳು



ಬಿ. ಶ್ರೀನಿವಾಸ



ಚಿತ್ರ -1



ಸಂಡೂರಿನಲ್ಲಿ
ಮಳೆ ಸುರಿಯುತ್ತಿದೆ.
ಕಾಡು ಬೆಟ್ಟ
ಸವೆದರೂ॒
ಬಹುಶಃ
ಯಾರೋ
ರೋಧಿಸುತ್ತಿರಬೇಕು.


 ಚಿತ್ರ -2
   

ಹರೆಯದ ಹುಡುಗನ
ಹೆಣವನ್ನು
ಮುದುಕ ಮುದುಕಿ
ತಳ್ಳುವ ಗಾಡಿಯಲ್ಲಿಟ್ಟು
ಮಸಣದತ್ತ
ಹೆಜ್ಜೆ ಹಾಕುತ್ತಿದ್ದಾರೆ.


 ಚಿತ್ರ -3

ಸಂಡೂರಿನ
ಸಾಲಿಗುಡಿಯಲ್ಲಿ
ಭೂಗೋಳದ ಮೇಷ್ಟ್ರು
ಮರುಭೂಮಿಯ
ಪಾಠ ಹೇಳುತ್ತಿದ್ದಾರೆ
ಮಕ್ಕಳು
ಹೊರಗೆ ನೋಡುತ್ತಿದ್ದಾರೆ.


 ಚಿತ್ರ -4

 ಆತ
ಇನ್ನೂ ಹುಡುಕುತ್ತಲೇ
ಇದ್ದಾನೆ
ಸಂಡೂರಿನ
ಬೀದಿಗಳನ್ನು
ಊರ ಕೊಂದ
ಕೊಲೆಗಡುಕರನ್ನು

 ಚಿತ್ರ -5
ಯಾರದ್ದೋ ಹೆಣ
ಊರವರೆಲ್ಲ ಸೇರಿ
ಹೊತ್ತು ನಡೆದಿದ್ದಾರೆ
ಹತ್ತಿರ ಹೋಗಿ ನೋಡಿದೆ
'ಊರಿನದ್ದೇ ಹೆಣ’!
        ॒॒॒॒॒॒॒
        ಯಾರ ಕಂಗಳಲ್ಲೂ
        ನೀರಿಲ್ಲ
        ಪರದೇಸಿಗಳಾದ
        ಭೀತಿಯಿದೆ.


 ಚಿತ್ರ -6

ಗಣಿಯ ಸದ್ದು
ನಿಂತಾಗ
ಮಲಗಿತ್ತು
ಹೊಲ
ಸಾವ ಹೊದ್ದು


  ಚಿತ್ರ -7

 ರೈಲು ಡಬ್ಬಿಗೆ                      
 ಅದಿರು ತುಂಬುವ ಹುಡುಗ

ಲಾರಿ ಓಡಿಸುವ ಡ್ರೈವರ್ರು
ಟಿಪ್ಪರಿನ ಕ್ಲೀನರ್ರು

ಟೀಬಿ ಆಸುಪತ್ರಿಯಲ್ಲಿ
ನಿಂತ ತುಂಬುಗರ್ಭಿಣಿ

ಗಂಡಿ ನರಸಿಂಹನ
ದೇಗುಲದ ಮುಂದೆ

ಸಿಲವಾರದ ಗಂಗಳ ಹಿಡಿದು
ಕುಳಿತಿರುವ ಚಿತ್ರಗಳ ಬರೆದವರಾರು?
       



No comments:

Post a Comment

ಮೇ 6,7 ಧಾರವಾಡ : 4ನೇ ಮೇ ಸಾಹಿತ್ಯ ಮೇಳ

ಇದು 2017 ರ ಮೇ ಸಾಹಿತ್ಯ ಮೇಳ.. ಎಲ್ಲ ಕಾಲದಲ್ಲೂ ವಿರೋಧ ಪಕ್ಷವಾಗಿಯೇ ಕಾಣುವ ಸಾಹಿತಿಗಳು ಕಲಾವಿದರು ಈ ಕಾಲದಲ್ಲಿ ಫ್ಯಾಸಿಸಂ ವಿರುದ್ಧ ಜನಪರ ಸಂಘಟನೆಗಳ ಜೊತೆ ಸೇರಿ ನ...