Sunday, March 20, 2016

ಕಾಡದಿರು ಕವಿತೆ



ಎಂ. ಆರ್. ಕಮಲ



ಕಾಡದಿರು ಕವಿತೆ
ನಾನು ನಿನ್ನವಳಲ್ಲ, ಯಾರವಳು ಅಲ್ಲ
ಯಾರ ಬೇಟ- ಬೇಟೆಯೂ ಅಲ್ಲ

ನನ್ನ ಬಗೆ ಬಾನಿಗೂ ಇದೆ
ನಿನ್ನಷ್ಟೇ ಮೋಹಕತೆ -ಮಳೆಬಿಲ್ಲ ಸೆಳೆತ
ಮುಂಗಾರ ಮೋಡ, ಅಮಾವಾಸ್ಯೆಯ ಕಗ್ಗತ್ತಲು
ಹಠಾತ್ತನೆ ಮಿನುಗುಗಳು!

ನನ್ನೊಳವಿಗೆ ಒಲವಾಗಲೆಂದು
ನನ್ನೊಲವಿಗೆ ನೀನೆ ಒಳವಾಗಲೆಂದು
ನಿನ್ನ ಮೊರೆ ಹೋದೆ, ನಾ ಹುಗಿದು ಹೋದೆ
ಮುಗಿದು ಹೋದೆ!

ಆದರೂ ವಂದನೆಗಳು ನಿನಗೆ-
ನಾಯಿ ನರಿಗಳ ಕಿರುಚಾಟದಲ್ಲೂ
ದೂರದ ಹಕ್ಕಿಯ ಹಾಡು ಕೇಳಿಸಿದ್ದಕ್ಕೆ.
ಕಂಬನಿಯಲ್ಲೂ ಸುಖದ ಬನಿ
ಕಾಣಲು ಕಲಿಸಿದ್ದಕ್ಕೆ
ದಿಕ್ಕೆಟ್ಟವಳಲ್ಲಿ ಧೀಶಕ್ತಿ ಮೂಡಿಸಿದ್ದಕ್ಕೆ

ಸದ್ಯ, ವಂದನೆಗಳು!

No comments:

Post a Comment

ಮೇ 6,7 ಧಾರವಾಡ : 4ನೇ ಮೇ ಸಾಹಿತ್ಯ ಮೇಳ

ಇದು 2017 ರ ಮೇ ಸಾಹಿತ್ಯ ಮೇಳ.. ಎಲ್ಲ ಕಾಲದಲ್ಲೂ ವಿರೋಧ ಪಕ್ಷವಾಗಿಯೇ ಕಾಣುವ ಸಾಹಿತಿಗಳು ಕಲಾವಿದರು ಈ ಕಾಲದಲ್ಲಿ ಫ್ಯಾಸಿಸಂ ವಿರುದ್ಧ ಜನಪರ ಸಂಘಟನೆಗಳ ಜೊತೆ ಸೇರಿ ನ...