Wednesday, March 02, 2016

ಒಂದು ಕವಿತೆ



ಒಂದು ಕಾಲದಲಿ
ಪಂಜಾಬಿನ ಪಂಚ ನದಿಗಳ ತುಂಬ
ರಕುತವೇ ಹರಿದಾಡಿದ ಕಥೆ
ಗಂವೆನ್ನುವ ಏಕಾಂತ ರಾತ್ರಿಗಳಲಿ
ತೆಕ್ಕೆಗಾನಿದ ಮಗಳ ಮುಂಗುರುಳ
ನೇವರಿಸುತ ನಾಲಿಗೆಗೆ ಬಂದಿತು
 

ಕಾಶ್ಮೀರದ ರುಚಿಕಟ್ಟಾದ
ಸೇಬು ಕಚ್ಚಿದಾಗ
ವಸಡ ತುಂಬ
ರಕ್ತ ವಸರುವ ಚಿತ್ರ...

ಸೈನಿಕರ ಬಂದೂಕಿನ ಶಿಶ್ನ
ಕಣ್ಣಿಲ್ಲದ ಕಾದಾಟಕೆ ನಿಂತು
ಗಡಿಭಾಗದ ಬಾಲೆಯರ ಯೋನಿ ರಕ್ತ
ನೆಲ ತೋಯಿಸಿದ ವಾಸ್ತವ...

 ಮಾತುಗಳಾದವು

ಅದೆಷ್ಟಿದ್ದವೊ ಇಂಥ ಕಥೆಗಳು
ಇಂಥವೇ ರಾತ್ರಿಗಳು..!

ಆಗಿನಿಂದಲೂ ನೋಡುತ್ತಲೇ ಇದ್ದೇನೆ
ಕಥೆ ಕೇಳಿದ ದಿನಗಳಿಂದ ಮಗಳು
ಚಾಕು ಚೂರಿ ಆಟಿಕೆಗಳ ಬಳಸುತ್ತಿಲ್ಲ..

No comments:

Post a Comment

ನಮ್ಮ ಪ್ರಶಸ್ತಿ ಪುರಸ್ಕೃತರು..

ದಣಿವರಿಯದ ಸಮಾಜಮುಖಿ - ಕೆ. ನೀಲಾ ೧-೮-೬೬ರಂದು ಬೀದರ ಜಿಲ್ಲೆ ಬಸವಕಲ್ಯಾಣದಲ್ಲಿ ಹುಟ್ಟಿದ ಕೆ. ನೀಲಾ ಕರ್ನಾಟಕದ ಜನಪರ ಹೋರಾಟಗಳಲ್ಲಿ, ಮಹಿಳಾ ಹೋರಾಟಗಳಲ್ಲಿ ಮ...