Sunday, March 27, 2016

ಬೀಗ ಜಡಿದ ಆ ಮನೆ


Kajooru Sathish's photo.

ಮಲಯಾಳಂ ಮೂಲ- ಅಜೀಶ್ ದಾಸನ್

ಕನ್ನಡಕ್ಕೆ-
ಕಾಜೂರು ಸತೀಶ್




ಆ ಮನೆಗೆ ಬೀಗ ಜಡಿದು
ಎಷ್ಟೋ ದಿನಗಳಾದವು.

ಒಂದು ರಾತ್ರಿ
ಒಬ್ಬ ಕಳ್ಳ
ಮನೆಯೊಳಗೆ ಎಲ್ಲರೂ ನಿದ್ರಿಸುತ್ತಿರಬಹುದು ಎಂದುಕೊಂಡು
ಹೆಂಚು ತೆಗೆದು
ಅಟ್ಟದಿಂದಿಳಿದು
ಬೆಕ್ಕಿನ ಹೆಜ್ಜೆಯಿಟ್ಟು
ಬಾಗಿಲು, ಕಿಟಕಿಯ ಪರದೆಯೊಳಗೆಲ್ಲ ಅಡಗಿ
ಸದ್ದಿಲ್ಲದೆ ಹುಡುಕಾಡತೊಡಗಿದ.

ಅವನ ಕೈಬೆರಳುಗಳಿಂದ
ಕಾಲಿನ ಹೆಜ್ಜೆಗಳಿಂದ
ಸೂಕ್ಷ್ಮ ನೋಟದಿಂದ
ಮೈ 'ಜುಂ' ಎಂದು
ರೋಮಗಳು ನಿಮಿರಿ
ಕಣ್ಣುಗಳು ಕಿರಿದಾಗಿ
ಎಷ್ಟೋ ದಿನಗಳಿಂದ
ಬೀಗ ಜಡಿದ ಆ ಮನೆಗೆ
ಕಚಗುಳಿಯಿಟ್ಟಂತೆನಿಸುತಿದೆ
ಕಚಗುಳಿಯಿಟ್ಟಂತೆನಿಸುತಿದೆ!
**

No comments:

Post a Comment

ನಮ್ಮ ಪ್ರಶಸ್ತಿ ಪುರಸ್ಕೃತರು..

ದಣಿವರಿಯದ ಸಮಾಜಮುಖಿ - ಕೆ. ನೀಲಾ ೧-೮-೬೬ರಂದು ಬೀದರ ಜಿಲ್ಲೆ ಬಸವಕಲ್ಯಾಣದಲ್ಲಿ ಹುಟ್ಟಿದ ಕೆ. ನೀಲಾ ಕರ್ನಾಟಕದ ಜನಪರ ಹೋರಾಟಗಳಲ್ಲಿ, ಮಹಿಳಾ ಹೋರಾಟಗಳಲ್ಲಿ ಮ...