Tuesday, June 28, 2016

ಉರಿವ ಕುಡಿಯ ನಟ್ಟ ನಡುವೆ: ದರ್ಶನ ಕಾವ್ಯದ ಆಚೆ..





ಎಚ್ಚೆಸಾರ್ ಕೊಂಡಿಕೊಪ್ಪ




ಲಕ್ಷ್ಮೀಶ ತೋಳ್ಪಾಡಿಯವರು ಬರಿತಾ "ದರ್ಶನ ಎಂದರೆ ನೋಡೋದು. ಕಾಣ್ಕೆ. ಆದುದರಿಂದಲೇ ನೋಡಿದ್ದೆಲ್ಲ ದರ್ಶನವಲ್ಲ. ಹಾಗೆಂದು ನೋಡಿದೆ ದರ್ಶನವೇ ಇಲ್ಲ. ಒಮ್ಮೆ ನೋಡಿದ್ದನ್ನೇ ಇನ್ನೊಂದು ಬಗೆಯಿಂದ ನೋಡೋದು ದರ್ಶನ". ಎಂದಿದ್ದಾರೆ. ಇಲ್ಲಿ ರೂಮಿ ನಮಗೆ ಹೇಳ್ತಿದಾನೆ

"ಅಂತರಾಳದ ಎಷ್ಟು ಆಳ ಇಳಿಯಬಲ್ಲೆನೆಂದರೆ
ಕಣ್ಣಿರದೆಯು ನಿಚ್ಚಳವಾಗಿ ಕಾಣಬಲ್ಲೆ
ನನಗೆ ಕಣ್ಣುಗಳಾದರೂ ಯಾಕೆ,
ಅವನ ಕಣ್ಣುಗಳಿಂದ ನೋಡುತಿರುವಾಗ ಲೋಕವನ್ನೇ?" (೩೨) ಇದು ದರ್ಶನ ಎನಿಸಿದೆ ನನಗೆ. ಹಾಗೆ 'ಕಾಣಿಕೆ'ಯಲ್ಲಿ(೩೭) ಇಡೀ ಪುಸ್ತಕದಲ್ಲಿ ಹಲವಾರು ಕವಿತೆಗಳು ಕಂಡಿವೆ. ಇದೊಂದು ಕಾಣ್ಕೆಯ, ದರ್ಶನದ ಸಂಕಲನ ಅನಿಸ್ತದೆ.

ಇನ್ನೂ ಹೇಳುವುದಾದರೆ ನೀವು ಆಳವಾಗಿ ಇಳಿದಂತೆ ವಚನಗಳು ಕಾಣಬಹುದು ಮೀರಾನ ಒಲವು, ಪ್ರೇಮಿಯ ತುಡಿತ ಹಾಗೆ ಸಾಗಿದಂತೆ ಕಾಣ್ಕೆಗಳು ದರ್ಶನಗಳು ಎದುರಾಗುತ್ವೆ. ಇಲ್ಲಿ ಇಳಿಯುವುದು ಒಂದು ಹುಡುಕಾಟವೂ ಹೌದಾದರೆ ಮುಂದಿನದು ಪ್ರೇಮದ ಬಾಗಿಲು. ಅಂದ್ರೆ ಎಲ್ಲವೂ ಒಲವೇ ಆದ ಕಾರಣ ಹುಡುಕಾಟವೂ ಹೌದು. 


ನಿಧಾನವಾಗಿ ಓದಬೇಕಾದ ಕವಿತೆಗಳಿವು ಅನಿಸ್ತದೆ ಯಾಕಂದ್ರೆ ನಾನು ಅವಸರದಲ್ಲಿ ಓದಿದ್ದಕ್ಕೂ ನಿಧಾನವಾಗಿ ಓದಿದ್ದಕ್ಕೂ ಪರಿಣಾಮಗಳು ಬೇರೆ ಬೇರೆ ಇದೆ ಅದಕ್ಕೆ.


ಅನುವಾದಕರು 'ಈ ಕಿರು ಪ್ರಯತ್ನದ ಬೆವರ ಹನಿಗಳ ಮೇಲೆ ನಿನ್ನ ಹೆಸರು ಬರೆಯಲಾಗಿದೆ ' ಎಂದಿದ್ದಾರೆ ಈ ಮಾತು ಎಲ್ಲಿಗೆ ತಲುಪಿಸುತ್ತದೆ ಎಂದು ಹೇಳಲಾರೆ. ಅನುವಾದವನ್ನು ಅನುವಾದಿಸಿಕೊಳ್ಳುವ ಪ್ರಯತ್ನ ನನ್ನೊಳಗೆ ನಡೆದಿದ್ದು ದಿಟ.


ಒಳ್ಳೆಯ ಮುಖಪುಟ (ಕೃಷ್ಣ ಗಿಳಿಯಾರ್) ವಿನ್ಯಾಸ (ಅರುಣ್ ಜಿ) ಮುದ್ರಣ(ಇಳಾ ಮುದ್ರಣ) ಮಾಡಿದ್ದಾರೆ ಎಂದಿನಂತೆ ಲಡಾಯಿ ಬಸೂ ಸರ್ ಕಾಳಜಿಯೂ ಇದೆ.


ಇಲ್ಲಿ ಒಂದು ಮಾತು Zenದು
"sound of the rain needs no translation..." ಅಂತಾ ಆ "sound"ನ್ನು ಕೇಳಿಸುವುದು ಅಂದ್ರೆ ಆ ಧ್ವನಿ ಹೀಗೆ ಕೇಳಿ ಅನ್ನುವುದು ಅನುವಾದದ ಉದ್ದೇಶ ಅಂತಾ ನನ್ನ ತಿಳುವಳಿಕೆ. 


ಈ ಸಂಕಲನದ ಕುರಿತು ನಾನು ಹೇಳಬೇಕಾದ್ದು ಇನ್ನು ಏನೂ ಇಲ್ಲ ಒಂದು ವೇಳೆ ಹೇಳಿದರೆ ಇಲ್ಲಿಯ ಹಲವು ಕಾಣ್ಕೆಗಳಿಗೆ ದರ್ಶನಗಳ ಮುಕ್ಕಿಗೆ ನಾನೆ ಕಾರಣವಾಗುವ ಭಯವಿದೆ.
ಇಲ್ಲಿ ವಿಶಾಲ ಅರ್ಥಗಳಿವೆ ಓದಿ.


ಇನ್ನೂ ಒಂದು ಸಾಲು ಈ ಕವಿತೆಯ ಜೊತೆಗೆ


"ನಾನೇನು ಹೇಳಬೇಕೆಂದುಕೊಂಡೆ?
ಗೊತ್ತಿಲ್ಲ
ಕವಿತೆ, ನಾ ಯೋಚಿಸಿ ಬರೆಯುವುದಲ್ಲ
ಕವಿತೆ ಹೇಳುವ ಹಾಗೇ
ನಾನಿಲ್ಲವಾದಲ್ಲಿ
ಮೌನವಾಗುತ್ತೇನೆ
ಮಾತು ಮರೆಯುತ್ತೇನೆ."
-----------------
ಲಡಾಯಿ ಪ್ರಕಾಶನ, ಗದಗ
9480286844
ಬೆಲೆ 120
2016

No comments:

Post a Comment

ಮೇ 6,7 ಧಾರವಾಡ : 4ನೇ ಮೇ ಸಾಹಿತ್ಯ ಮೇಳ

ಇದು 2017 ರ ಮೇ ಸಾಹಿತ್ಯ ಮೇಳ.. ಎಲ್ಲ ಕಾಲದಲ್ಲೂ ವಿರೋಧ ಪಕ್ಷವಾಗಿಯೇ ಕಾಣುವ ಸಾಹಿತಿಗಳು ಕಲಾವಿದರು ಈ ಕಾಲದಲ್ಲಿ ಫ್ಯಾಸಿಸಂ ವಿರುದ್ಧ ಜನಪರ ಸಂಘಟನೆಗಳ ಜೊತೆ ಸೇರಿ ನ...