Thursday, October 20, 2016

ಚಲನೆ


Image result for ಬಸೂ
Image result for birds

ಗಾಳಿ ಚಲಿಸುತ್ತದೆ
ಸೂರ್ಯನ ಕಿರಣ
ಚಂದ್ರನ ಬೆಳ್ದಿಂಗಳು
ಹಣತೆಯ ಬೆಳಕು
ಹೂವಿನ ಗಂಧ
ನದಿಯ ನೀರು
ಚಲಿಸುವ ಪಟ್ಟಿಯಲ್ಲಿ
ಇನ್ನು ಅದೆಷ್ಟೋ..

ಎಂದೋ ಆರಂಭವಾದ
ಚಲಿಸುವ ಚರಿತ್ರೆಯಲ್ಲಿ
ದಾರಿ ತಪ್ಪಿದಕ್ಷರಗಳಿಲ್ಲ
ನಡಿಗೆಯ ಲೆಕ್ಕ
ಕವಲುಗಳ ಆಯ್ಕೆ
ಸೀಮೆಕಲ್ಲಿನ ಅಂಕಿ
ತಪ್ಪುವುದೇನಿದ್ದರೂ
ಯಾರೊ ಮಾಡಿಟ್ಟ
ಹಾದಿಯಲಿ ನಡೆವ ಹೆಜ್ಜೆಗಷ್ಟೇ

ಪಾಪ ಪುಣ್ಯ
ಪವಿತ್ರ ಅಪವಿತ್ರ
ಲಕ್ಷ್ಮಣರೇಖೆಯೊಳಗಷ್ಟೇ

ಗುಟುಕಿಗಾಗಿ ಬಾಯ್ದೆರೆದ ಮರಿ
ಕನಸರಳಿಸಿ ಕಾಯುವ ಸಹಜೋಡಿ
ತೆರೆಯುತಿದೆ ಹಕ್ಕಿಗಮನದ ಹಾದಿ

ರೆಕ್ಕೆ ಬಿಚ್ಚಿದ ಹಕ್ಕಿ
ಎಂದೂ ದಿಕ್ಕು ತಪ್ಪುವುದಿಲ್ಲ
ಯಾರೋ ಮಾಡಿಟ್ಟ 
ಹಾದಿಯಲದು ಹಾರುವುದಿಲ್ಲ

No comments:

Post a Comment

ನಮ್ಮ ಪ್ರಶಸ್ತಿ ಪುರಸ್ಕೃತರು..

ದಣಿವರಿಯದ ಸಮಾಜಮುಖಿ - ಕೆ. ನೀಲಾ ೧-೮-೬೬ರಂದು ಬೀದರ ಜಿಲ್ಲೆ ಬಸವಕಲ್ಯಾಣದಲ್ಲಿ ಹುಟ್ಟಿದ ಕೆ. ನೀಲಾ ಕರ್ನಾಟಕದ ಜನಪರ ಹೋರಾಟಗಳಲ್ಲಿ, ಮಹಿಳಾ ಹೋರಾಟಗಳಲ್ಲಿ ಮ...