Sunday, October 30, 2016

ಇರುಳು ಬೆಳಕು : ಹದಿನೈದು ದ್ವಿಪದಿಗಳು


Image result for paintings on light and darkness

1
ಇಬ್ಬರದೂ ಆ ಕತ್ತಲಲ್ಲಿ ಹುಡುಕಾಟವಿತ್ತು
ಇಬ್ಬರಲ್ಲೂ ಬೆಳಕು ಏಕಕಾಲದಲಿ ಹುಟ್ಟಿತು
2
ಕಳೆದ ವರ್ಷದಷ್ಟೇ ಹಣತೆ ಬೆಳಗಿಸಿದರೂ ಲೆಕ್ಕದಲ್ಲಿ ಒಂದು ಕಮ್ಮಿಯಾಯಿತು
ಉರುಳುವ ಕಾಲ ಮಾಯಾವಿ ಸಂಭ್ರಮ ಹುಟ್ಟಿಸಿಯೇ ಯಾಮಾರಿಸುವುದು ಹೀಗೆ
3
ಹಣತೆ ಹಚ್ಚದೆ ನಾನೇ ಹಣತೆಯಾಗಬೇಕು ಅಂದುಕೊಂಡೆ
ಸುತ್ತಲೂ ಬೆಂಕಿ ಕಡ್ಡಿಪೆಟ್ಟಿಗೆ ಹಿಡಿದ ನೂರಾರು ಜನ ಕಂಡರು

Image result for paintings on light and darkness
4
ಮಗಳಿದ್ದಾಳೆ ಮನೆಯಲ್ಲಿ
ಬೇರೆ ದೀಪ ಹಚ್ಚಲೇಕೆ?
5
ಎಣ್ಣೆ ಹತ್ತಿ ಪಣತಿ ಎಲ್ಲಕ್ಕೂ ನಾಲ್ಕು ದುಡ್ಡು ಹೆಚ್ಚು ಎಣಿಸಿದೆ
ಆ ಮನೆಗಳಲ್ಲಿ ಬೆಳಕಾಯಿತು ನಾನು ದೀಪಾವಳಿ ಆಚರಿಸಿದೆ
Image result for paintings on light and darkness
6
ದೀಪವಾಗಲೊಲ್ಲದವರ ಓಣಿಯಲ್ಲಿ
ಬೀದಿದೀಪಗಳು ಕತ್ತಲನ್ನು ಬೆಳಗುತ್ತಿದ್ದವು
7
ಕೊನೆಗೂ ಕತ್ತಲು ಬೆಳಕನ್ನೇ ಕೊಟ್ಟಿತು
ಹೇಳು ತಮ್ಮ ಬೆಳಕು ಕೊನೆಗೇನು ಕೊಟ್ಟಿತು?

Image result for paintings on light and darkness
8
ಆ ಮನೆಯಿಂದ ಅವಳು ಈ ಮನೆಗೆ ನಡೆದುಬಂದಳು
ಆಹಾ ಆ ಮನೆ ಕತ್ತಲು ಈ ಮನೆ ಕತ್ತಲು ಎಷ್ಟೊಂದು ಭಿನ್ನ
9
ಚಿಕ್ಕ ಮನೆ ಕೂಡು ಕುಟುಂಬ
ಕತ್ತಲಿರದಿದ್ದರೆ ನಾ ಹುಟ್ಟುತ್ತಲೇ ಇರಲಿಲ್ಲವೇನೊ
10
ಬೆಳಕು ಶ್ರೇಷ್ಠ ಕತ್ತಲು ಕನಿಷ್ಠ
ಕಂಡೆಯಾ ಇದುವೇ ಇಂಡಿಯಾ
11
ರಾತ್ರಿ ಹಣತೆ ಸುಟ್ಟುಕೊಂಡಿತು ಹಗಲು ಸೂರ್ಯ
ಲೋಕವೆ ಇರುಳುಬೆಳಕಿನ ಸುಡುವ ಚರಿತ್ರೆ ಭಿನ್ನವಲ್ಲ
12
ಕತ್ತಲಲ್ಲಿ ಬೆಳಕಿರುವದು ಹಗಲಲ್ಲಿ ಕತ್ತಲಿರುವದು ಕಂಡಿತು
ಆಮೇಲೆ ಜನ ನಾನು ಮನುಷ್ಯನೆಂಬುದೇ ಮರೆತುಬಿಟ್ಟರು
13
ಹಣತೆ ಹಚ್ಚಿದಾಗ ನಾವು ಅಪರಿಚಿತರಂತೆ ಇದ್ದೆವು
ಹಣತೆ ಆರಿದಾಗ ಹೆಚ್ಚು ಹೆಚ್ಚು ಪರಿಚಿತರಾದೆವು
Image result for paintings on light and darkness
14
ತೊಟ್ಟಬಟ್ಟೆ ಬಿಚ್ಚಿದರೆ
ನೀನು ವಿಂಚುಹುಳು

Image result for paintings on light and darkness
15
ಅನುಮಾನವೇಕೆ ಇರುಳ ಮಗಳು ನೀನು
ನಿನ್ನ ಕೂಡಿದೆನೆಂದೇ ನನ್ನೊಳಗೆ ಬೆಳಕು ಹುಟ್ಟಿತು
16
ಹಣತೆ ಹಚ್ಚಿದರಷ್ಟೇ
ನಿನ್ನ ಮುಖ ನನಗೆ
ನನ್ನ ಮುಖ ನಿನಗೆ
ಕಾಣುವುದಾದರೆ
ಕ್ಷಮಿಸು ನಾನು
ಹಣತೆ ಹಚ್ಚಲಾರೆ

1 comment:

ಮೇ 6,7 ಧಾರವಾಡ : 4ನೇ ಮೇ ಸಾಹಿತ್ಯ ಮೇಳ

ಇದು 2017 ರ ಮೇ ಸಾಹಿತ್ಯ ಮೇಳ.. ಎಲ್ಲ ಕಾಲದಲ್ಲೂ ವಿರೋಧ ಪಕ್ಷವಾಗಿಯೇ ಕಾಣುವ ಸಾಹಿತಿಗಳು ಕಲಾವಿದರು ಈ ಕಾಲದಲ್ಲಿ ಫ್ಯಾಸಿಸಂ ವಿರುದ್ಧ ಜನಪರ ಸಂಘಟನೆಗಳ ಜೊತೆ ಸೇರಿ ನ...