Saturday, November 12, 2016

ನೋಟಿನಲ್ಲಿ ಇರುವೆ


Image result for ಬಿ. ಎಂ. ಬಶೀರ್

ಬಿ. ಎಂ. ಬಶೀರ್


ಬೆಳ್ಳಬೆಳಗ್ಗೆ ಎದ್ದು ನೋಡುತ್ತೇನೆ
ಸಾಲು ಸಾಲಾಗಿ ಸಾಗುತ್ತಿವೆ ಇರುವೆಗಳು 
ಬಹುಶಃ ಬ್ಯಾಂಕಿಗೆ ಹೊರಟಿರಬೇಕು

೨೦೦೦- ೫೦೦ ರೂಗಳ ನೋಟು
ನಿಷೇಧದ ಲವಲೇಶ ಆತಂಕವಿಲ್ಲದೆ
ಇರುವೆ, ಚಿಟ್ಟೆ, ಜಿಂಕೆ, ಹುಲಿ
ಲಕ್ಷಾಂತರ ಜೀವಚರಗಳು
ಬದುಕುತ್ತಿರೋದೇ ಮನುಷ್ಯನ ಪಾಲಿಗೆ
ಇಂದಿನ ಸೋಜಿಗ

ಮಗುವಿನ ಕೈಗೆ
ಒಂದು ಸಾವಿರ ರೂ. ನೋಟುಗಳ
ಕಟ್ಟು ಕೊಟ್ಟ ತಂದೆ
ಅದರ ಕೈಯಲ್ಲಿದ್ದ ಪಿಗ್ಮಿ ಡಬ್ಬ ಒಡೆದು
ನಾಣ್ಯ ಎಣಿಸುತ್ತಿದ್ದಾನೆ

ಸದಾ ನನ್ನ ಮುಂದೆ
ಸಾವಿರದ ನೋಟುಗಳನ್ನು ಎಣಿಸುತ್ತಾ
ಪರೋಕ್ಷವಾಗಿ ಹಂಗಿಸುವ
ಗೆಳೆಯನ ಮುಂದೆ
ಇದೇ ಮೊದಲ ಬಾರಿ,
ನನ್ನಲ್ಲಿರುವ ನೂರರ
ಆ ಸವೆದ ನೋಟೊಂದನ್ನು
ಹೆಮ್ಮೆಯಿಂದ ಹೊರ ತೆಗೆದೆ.

ಮದುವೆ ಖರ್ಚಿಗೆಂದು ತಂದಿಟ್ಟಿದ್ದ
ಸಾವಿರದ ಕಟ್ಟುಗಳನ್ನು
ತೋರಣಗಳಿಗೆ ಕಟ್ಟಿ
ಮದುವೆ ಮನೆಯನ್ನು
ಶೃಂಗರಿಸಲಾಗಿದೆ

ಕಪ್ಪು ಹಣದ ದೊರೆಗಳೆಲ್ಲ
ನೋಟು ನಿಷೇಧಗಳನ್ನು
ಸ್ವಾಗತಿಸುತ್ತಿದ್ದಾರೆ
ಶ್ರೀ ಸಾಮಾನ್ಯ ಬಿಸಿಲಲ್ಲಿ
ಬ್ಯಾಂಕಿನ ಮುಂದೆ ನಿಂತು
ಕಪ್ಪಾಗುತ್ತಿದ್ದಾನೆ

No comments:

Post a Comment

ಮೇ 6,7 ಧಾರವಾಡ : 4ನೇ ಮೇ ಸಾಹಿತ್ಯ ಮೇಳ

ಇದು 2017 ರ ಮೇ ಸಾಹಿತ್ಯ ಮೇಳ.. ಎಲ್ಲ ಕಾಲದಲ್ಲೂ ವಿರೋಧ ಪಕ್ಷವಾಗಿಯೇ ಕಾಣುವ ಸಾಹಿತಿಗಳು ಕಲಾವಿದರು ಈ ಕಾಲದಲ್ಲಿ ಫ್ಯಾಸಿಸಂ ವಿರುದ್ಧ ಜನಪರ ಸಂಘಟನೆಗಳ ಜೊತೆ ಸೇರಿ ನ...